19-годишно момче од Тетово загина во Италија откако паднало од покрив висок седум метри додека работело

Трагична несреќа во Италија го одзеде животот на 19-годишно момче од Тетово, кое загинало додека извршувало работни задачи.

Како што пренесуваат медиумите на албански јазик, младиот тетовец паднал од покрив, од височина од приближно седум метри. При падот се здобил со тешки телесни повреди, кои биле смртоносни.

Засега не се познати деталите за несреќата, ниту околностите под кои 19-годишникот паднал од покривот.

Според објавените информации, погребот на момчето ќе се одржи утре во Тетово, по пладневната молитва.