45 дена затвор за скопјанка која со „Мерцедес“ двапати прегази куче во Улцињ

Основниот суд во Улцињ ја осуди 43-годишната Сашка Стојановска од Скопје на 45 дена затвор за кривично дело „убивање и мачење животни и разорување на нивното живеалиште“.

Според пресудата, Стојановска на 24 јули во Улцињ, управувајќи „мерцедес“, најмалку двапати поминала со автомобилот преку куче од расата шарпланинец, кое од здобиените повреди угинало.

При одредувањето на казната, судот ги зел предвид нејзината неосудуваност, семејните околности и фактот дека е мајка на две деца, како и битно намалената пресметливост утврдена со психијатриско вештачење.