„Американ Ерлајнс“ ги укинува летовите за Израел до 2025 година
Американската авиокомпанија „Американ Ерлајнс“ соопшти дека ќе ги прекине сите летови за Израел до април 2025 година поради големите регионални тензии. Според израелскиот јавен сервис „КАН“, „Американ Ерлајнс“ се приклучи на неколку големи компании кои исто така одлучија привремено да ги прекинат летовите.
Од 7 август, вкупниот број на странски авиокомпании кои ги прекинаа летовите до и од Израел достигна 20, наведува „КАН“. Меѓу авиокомпаниите кои ги прекинаа летовите се и „Делта Ерлајнс“, „ИзиЏет“, „Рајанер“, „Луфтханза Груп“, „Јунајтед Ерлајнс“, „Егеан Ерлајнс“, „ЕрБалтик“, „Ер Индија“, „Ер Франс-КЛМ“, „Катеј Пацифик“, „Таром“, „Вуелинг“ и „ИТА Ервејс“.
Стравот од регионална ескалација на Блискиот Исток е сè уште присутен, а американски официјални лица соопштија дека напад од Иран може да се случи во секој момент, но дека во моментов нема прецизни разузнавачки информации кои би укажале на точен датум на нападот.
Иако Израел тврди дека економската ситуација е стабилна, новите откажувања на летови дополнително ќе ја влошат ситуацијата во секторот туризам, кој претрпе целосен колапс од почетокот на конфликтот на 7 октомври 2023 година.
Во првата половина на 2024 година бројот на пристигнувања на странски државјани во земјата изнесуваше една четвртина од бројот за истиот период во 2023 година.
„Во првата половина на 2024 година во Израел пристигнале 501.000 туристи, во споредба со 2,1 милион во истиот период во 2023 година. За време на месец јуни, бројот на странци кои влегле во Израел беше само 97.700 во споредба со 355.200 во истиот месец минатата година“, покажува статистиката.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
