Австралија наметнува милионски казни за социјалните мрежи за пристап на лица помлади од 16 години
Австралија планира да испроба систем за проверка на возраста што може да вклучува биометрија или државна идентификација за да се спроведе старосната граница за пристапот до социјалните мрежи, што е меѓу најстрогите контроли досега наметнати од една земја.
Австралија наметнува милионски казни за социјалните мрежи за пристап на лица помлади од 16 години
Социјалните мрежи би можеле да бидат казнети со повеќе од 30 милиони евра доколку не успеат да го спречат пристапот на децата до нивните платформи, според новата легислатива предложена во австралискиот Парламент.
Законот ќе ги принуди социјалните мрежи да преземат чекори за да ги спречат лицата под 16 години да пристапуваат до платформи како што се Икс, ТикТок, Фејсбук и Инстаграм.
Доколку не го направат тоа, ќе добијат парични казни до речиси 50 милиони австралиски долари.
Австралија планира да испроба систем за проверка на возраста што може да вклучува биометрија или државна идентификација за да се спроведе старосната граница за пристапот до социјалните мрежи, што е меѓу најстрогите контроли досега наметнати од една земја.
Со предлогот, нема да има ослободувања со родителска согласност или исклучоци за претходно постоечки сметки.
Предложениот закон, исто така, ќе вклучи силни одредби за приватност кои бараат технолошките платформи да ги избришат сите собрани податоци за проверка на возраста.
„Ова е значајна реформа. Знаеме дека некои деца ќе најдат решение, но испраќаме порака до социјалните мрежи да се прочистат“, рече премиерот Ентони Албанес.
Министерката за комуникации Мишел Роланд рече дека социјалните мрежи се одговорни за „безбедноста и менталното здравје“ на Австралијците.
„За премногу млади Австралијци, социјалните мрежи можат да бидат штетни. Речиси две третини од Австралијците на возраст од 14 до 17 години гледале исклучително штетна содржина на интернет, вклучувајќи злоупотреба на дрога, самоубиство или самоповредување“, рече Роланд.
„Законот го става товарот на социјалните платформи, а не на родителите или децата, за да се осигура дека има заштита“, додаде таа.
Албанезе рече дека децата ќе имаат пристап до пораки, онлајн игри и услуги поврзани со здравјето и образованието.
Ако предложениот закон помине, на технолошките платформи ќе им биде даден рок од една година за да осмислат како да ја спроведат забраната.
Ново на Сител
-
Голем пожар на Тасос, туристите се евакуираат
-
ДЗР: Државниот буџет бил доминантен извор за финансирање на изборните кампањи за Парламентарните избори 2024 година
-
Едно лица смртно настрада во сообраќајка во близина на Охрид
-
Тим од четата за атомско биолошка и хемиска одбрана на Армијата собира податоци за воздухот во Визбегово
-
Објавен повик за бројот 116 000 за повикувачки центар за исчезнати деца
-
ЦУК: Активни девет пожари, под контрола четири
-
Нормализиран сообраќајот кон ГП Блаце, од клучките Орман до Мирковци и на експресениот пат Ранковце-Крива Паланка
-
Лондон и Париз ќе ги координираат нуклеарните сили за одвраќање на Русија