Десет возачи приведени во изминатото деноноќие – седум возеле без положен возачки испит, тројца со активна забрана

Во текот на изминатото деноноќие, на различни локации на територијата на државата, полициски службеници лишиле од слобода 10 возачи поради сторено кривично дело „безобѕирно управување со моторно возило“ по член 297-а од Кривичниот законик.

Од нив, седум управувале возило без положен возачки испит. Станува збор за С.К.(26), Б.Р.(26), П.Т.(51) и 15-годишник, сите од Скопје, 16-годишник од село Батинци, скопско, С.А.(37) од село Гошинце, Општина Липково, и М.Б.(61) од село Блаце, скопско, кој претходно учествувал и во сообраќајна незгода.

Тројца возачи управувале возило и покрај активна мерка забрана за управување со моторно возило. Станува збор за К.А.(35) од Скопје, М.Б.(30) од Крушево и Н.И.(50) од Штип, кој истовремено управувал и под дејство на алкохол.

По целосно документирање на случаите, ќе бидат поднесени соодветни кривични пријави.

МВР апелира до сите учесници во сообраќајот доследно да ги почитуваат сообраќајните правила и прописи, да не управуваат возило без положен возачки испит, со активна забрана за управување или под дејство на алкохол. Одговорното однесување и почитувањето на правилата се од суштинско значење за спречување на сообраќајни незгоди, заштита на човечките животи и создавање побезбеден сообраќај.