Доналд Трамп: Постои „добра шанса“ за нуклеарен договор со Иран по одложувањето на нападот

Американскиот претседател, Доналд Трамп, изјави дека постои „многу добра шанса“ Соединетите Американски Држави и Иран да постигнат договор што ќе го спречи Техеран да дојде до нуклеарно оружје.
Тој уште посочи дека на барање на сојузниците од Блискиот Исток ги одложил за денеска планираните воените напади врз Иран, со цел продолжување на преговорите со Техеран.
Според Трамп, лидерите на Катар, Саудиска Арабија и Обединети Арапски Емирати побарале одложување на воената операција.
„Ако можеме да го решиме ова без бомбардирање, би бил многу среќен“, изјави Трамп пред новинарите, додавајќи дека САД и натаму се подготвени за голема воена акција доколку не се постигне договор.
Претходно, Трамп предупреди дека на Иран „му истекува времето“ и дека треба „брзо да дејствува“.
Од Иран синоќа соопштија дека одговориле на новиот американски предлог за ставање крај на конфликтот на Блискиот Исток што започна на 28 февруари со нападите на САД и Израел врз Иран. Кревкото примирје е во сила од 8 април.
Сепак, аналитичарите ценат дека двете страни остануваат со значително спротивставени ставови.
Иранските медиуми објавуваат дека Вашингтон доставил предлог од пет точки, меѓу кои барање Иран да задржи само еден активен нуклеарен објект и резервите на високо збогатен ураниум да ги пренесе во Соединети Американски Држави.
МИА
Ново на Сител
-

Студентите бараат 200 денари за оброк
-

Ќе се пресметуваат ли платите по час? Договор би требало да има до март
-

Подобра инфраструктура и решение за превозниците бараат германските компании кои работат кај нас
-

Филипче предупредува на недостиг на пари
-

Мицкоски тврди: Македонија економски лидер во регионот
-

По падот на Вучиќ - политички реакции во Македонија, проверки и апсења во Србија
-

Железничка несреќа во Шпанија, над 60 загинати
-

Приоритетен интернет и на преполни концерти
