Доналд Трамп: Постои „добра шанса“ за нуклеарен договор со Иран по одложувањето на нападот

Американскиот претседател, Доналд Трамп, изјави дека постои „многу добра шанса“ Соединетите Американски Држави и Иран да постигнат договор што ќе го спречи Техеран да дојде до нуклеарно оружје.
Тој уште посочи дека на барање на сојузниците од Блискиот Исток ги одложил за денеска планираните воените напади врз Иран, со цел продолжување на преговорите со Техеран.
Според Трамп, лидерите на Катар, Саудиска Арабија и Обединети Арапски Емирати побарале одложување на воената операција.
„Ако можеме да го решиме ова без бомбардирање, би бил многу среќен“, изјави Трамп пред новинарите, додавајќи дека САД и натаму се подготвени за голема воена акција доколку не се постигне договор.
Претходно, Трамп предупреди дека на Иран „му истекува времето“ и дека треба „брзо да дејствува“.
Од Иран синоќа соопштија дека одговориле на новиот американски предлог за ставање крај на конфликтот на Блискиот Исток што започна на 28 февруари со нападите на САД и Израел врз Иран. Кревкото примирје е во сила од 8 април.
Сепак, аналитичарите ценат дека двете страни остануваат со значително спротивставени ставови.
Иранските медиуми објавуваат дека Вашингтон доставил предлог од пет точки, меѓу кои барање Иран да задржи само еден активен нуклеарен објект и резервите на високо збогатен ураниум да ги пренесе во Соединети Американски Држави.
МИА
Ново на Сител
-

Загрозен балканскиот рис
-

Баргала, 16 века историја собрани во една книга
-

Преглед на вестите од светот
-

Самит на европските лидери – дали ќе се ограничи употребата на ветото?
-

Тема на денот со Горан Герасимовски, градоначалник на Центар и потпретседател на СДСМ
-

Мицкоски: Ива и татко и кога-тогаш ќе одговараат
-

Самит на европските лидери – дали ќе се ограничи употребата на ветото?
-

Работен документ на ЕК : Сите членки мора да се согласат за нов јазик
