ЕК демантира дека Фон Дер Лајен имала „долг“ разговор со Вучиќ

Европската комисија демантираше дека српскиот претседател Александар Вучиќ имал „долг разговор“ со претседателката на ЕК, Урсула фон дер Лајен, во Севиља, јавија белградските медиуми. 

„Претседателката фон дер Лајен имаше попатен разговор со претседателот Вучиќ во салонот пред службена вечера во Севиља“, изјави портпаролот на ЕУ, Стефан де Керсмакер, одговарајќи на новинарско прашање за изјавата на Вучиќ за средбата и тврдењето дека „тие никогаш не разговарале за билатерална соработка толку долго“.

 „Таа имаше можност да размени неколку зборови со многу лидери за време на тој настан, вклучувајќи го и претседателот Вучиќ. Значи, тоа не беше официјална билатерална средба“, изјави портпаролката на Европската комисија 

Дел од српските медиуми вчера ги објавија зборовите на Вучиќ од Севиља дека тој „имал долг разговор со Урсула фон дер Лајен, 30 минути“.