Ф1: Алпин размислува за замена на возачите, Колапинто на местото на Дуан

Формула 1 тимот Алпин, наскоро би можел да го замени австралискиот возач Џек Дуан со Аргентинецот Франко Колапинто по само шест трки од новата сезоната во Формула 1, објави денеска Би-Би-Си.
Иако Алпин официјално не ја потврди промената, неколку извори наведуваат дека договорот за замена е речиси финализиран и дека Колапинто би можел да го има своето деби веќе на претстојната трка за Големата награда на Емилија Ромања, која се вози во Имола од 16 до 18 мај.
Колапинто, кој минатата година извозе девет трки за Вилијамс, му се придружи на Алпин во текот на зимата, што веднаш предизвика шпекулации дека тој ќе го замени Дуан. Неговиот напредок во кариерата е поткрепен и со финансиска поддршка од спонзори од Латинска Америка.
Аргентинскиот возач импресионираше минатата сезона со освојување поени на трките во Азербејџан и САД, но во исто време си го наруши угледот со сериозни несреќи во Сао Паоло и Лас Вегас.
Доколку се официјализира соработката со Алпин, Колапинто ќе стане првиот Аргентинец со перманентен договор со Ф1 тим во последните 24 години.
Ново на Сител
-

Тема на денот со Бојан Стојаноски, пратеник од ВМРО-ДПМНЕ
-

Михаилова во тајни снимки тврди дека била уценувана од бугарските служби
-

Случајот Михаилова ја отвори пандорината кутија во Бугарија
-

ЕСМ ќе ја достави до Влада новата цена на струјата следната недела – тогаш ќе се знае и новата цена на парното
-

Кој е виновен за влезот на Алта банка? Политичките партии со меѓусебни обвинувања
-

Брза помош интервенирала на десетина колапси во Скопје поради пролетните температури во ноември
-

По 14 години, нови амбулантни возила за штипската Итна помош
-

Во струшки „Водовод“ недостига стручен кадар
