Германка третпат роди близнаци

Жена од јужна Германија роди близнаци по третпат. Ќерките на Јасмин Ритнер – Јулија Ања Валентина и Естефанија Лорена Мари се родени на 27 мај, објави болницата којашто се наоѓа во Фирт на „Инстаграм“.
„Еднаш е посебно. Двапати е извонредно. Трипати по ред е тешко да се поверува“, се вели во објавата.
Ритнер и нејзиниот сопруг Андреас ги пречекаа близнаците Даниел и Емилио во летото 2023 година, а потоа и Симоне и Анастасија една година подоцна. Така, третиот пар близнаци не беше изненадување за Андреас. – Воопшто не мислев дека ќе се родат само првите, изјави тој за ДПА за време на бременоста на неговата сопруга.
Ритнер рече дека отсекогаш сакала да има многу деца.
– Дефинитивно е убаво чувство – додаде таткото Андреас.
Д-р Ања Форстер ја следеше Ритнер за време на сите три бремености, па една од последните девојчиња е именувано по неа. Форстер рече дека третиот последователен пар близнаци е извонреден случај, особено затоа што двојката не користела третмани за плодност.
– Тоа е само случајност – рече докторката.
МИА
Ново на Сител
-

Тема на денот со Неда Чаловска, адвокатка
-

Убиство во Скопје: 38-годишен маж пронајден мртов со прострелна рана на ногата
-

Обвинение за насилникот од Битола
-

Граѓански протест во Охрид против насилството врз жените
-

Македонија се подготвува за тешка зима, Владата уверува дека има план
-

Митрески: Наместо да ја купуваат, државните институции да си произведуваат бесплатна сончева енергија
-

Мажите над 45 години еднаш годишно да одат на уролог
-

Преглед на вестите од светот
