Ќерката на Бил Гејтс обвинета за контроверзна практика што на компанијата ѝ носела приходи

Коосновачката на стартапот „Фиа“ (Phia), Фиби Гејтс, ќерка на милијардерот Бил Гејтс, е обвинета за користење софтвер што ѝ овозможувал на компанијата да собира провизии од онлајн продажба дури и кога клиентите не ги користеле нејзините услуги, објавија американските медиуми.

Според медиумите, Фиа поставила таканаречени колачиња за следење на компјутерите на корисниците дури и кога тие не кликнале на понудите на компанијата. На тој начин, на продавачите им било покажано дека Фија регистрирала купување, што ѝ овозможило на компанијата да собира провизија.

Според извештајот, Гејтс и нејзината деловна партнерка Софија Кјани биле свесни за таа практика најмалку седум месеци.

Фиа ги отстранила спорните функции во јули и изјавила дека ги прегледува трансакциите и враќа пари на партнерските компании. По отстранувањето на спорните функции, просечниот дневен приход на компанијата паднал од околу 80.000 долари на помеѓу 10.000 и 28.000 долари, според Блумберг.

Според правни експерти, таквата практика би можела во САД да претставува електронска измама што носи казна до 20 години затвор. Се уште не е објавено дали е покрената кривична постапка против Гејтс или други раководители на компанијата.

МИА