Корабоски доби 30-дневен притвор по проширување на обвинението

Кристијан Корабоски, обвинет за нападот врз 26-годишната Сара во Охрид, доби 30-дневен притвор. Од Обвинителството објаснуваат дека барањето за притвор следувало по проширувањето на обвинението од едно на три кривични дела, врз основа на новите докази собрани во истрагата.
Оттаму посочуваат дека првичната пријава од МВР се однесувала на едно кривично дело, но дополнителните докази ја промениле проценката за потребата од построги мерки. Особено, доказите за кривичното дело „загрозување на сигурноста“ укажале на опасност обвинетиот да го повтори насилството. Од Обвинителството тврдат дека тој бил соодветно обезбеден од самиот почеток на постапката.
Основното јавно обвинителство Охрид на 16 ноември поднесе обвинение за телесна повреда, противправно лишување од слобода и загрозување на сигурноста. Според обвинението, при вршење семејно насилство, Корабоски ја затворил жената против нејзина волја, физички ја нападнал, ѝ нанел повреди и ѝ ја загрозил сигурноста.
Во текот на истрагата, оштетената била испитана во присуство на претставници на социјалните служби, а било наредено и вештачење за видот и карактерот на повредите.
Нападот се случил на 15 ноември, околу два часот по полноќ. Според информациите од МВР, расправијата меѓу 31-годишниот охриѓанец и неговата 26-годишна партнерка започнала во домот, а продолжила во автомобилот, каде тој физички ја нападнал. Насилството продолжило и откако го запрел возилото, при што жената изгубила свест и паднала. Таа била пренесена во Општата болница во Охрид, а потоа во болницата „Свети Еразмо“. Корабоски бил лишен од слобода во 5:05 часот.
По првичното постапување, судот му определил забрана да ѝ се приближува на оштетената на помалку од 50 метри, му го одзел пасошот и му наложил секој втор понеделник да се пријавува во судот.
Ново на Сител
-

Јаневска во посета на Јапонија: Отворање нови можности за продлабочување на соработката
-

Мицкоски: Практичниот дел на правосудниот испит ќе биде на македонски јазик, јасна е одлуката на Венециската комисија
-

„АЛТА банка“ од понеделник ќе ја отвори и експозитурата во Прилеп, ќе може да се подигнат до 20.000 денари
-

Пронајдена бела прашкаста материја во Чегране, двајца со БМВ се обиделе да ги прегазат полицајците
-

Лажат дека се болни за да добијат антибиотици: Речиси секој трет Американец признал дека го измамил лекарот
-

Село во Шпанија со само 40 жители понудило бесплатна куќа и сигурна работа – пристигнале 8.000 пријави, повикот е затворен
-

Ѓорѓиевски: Скопје ја памети цената на својата слобода
-

Одредени групите за завршниот Мастерс во Торино
