Леброн Џејмс ја прекина неверојатната серија која траеше 20 години

Достигнувањата на Леброн Џејмс се добро познати, а најголем е фактот што тој е убедливо најдобриот стрелец во историјата на лигата со 42.184 поени. Со своите 40 години и понатаму е главна ѕвезда и заедно со Лука Дончиќ сочинуваат исклучително опасен тандем во Лејкерси, кој годинава им го обезбеди третото место на Западот пред плеј-офот.

Дваесет години „кралот“ одржува неверојатна серија. Од сезоната 2004/05, неговата втора година во лигата, тој никогаш не завршил сезона со просек помал од 25 поени. Дојде време да ја прекине таа серија, бидејќи сезоната 2024/25 ја завршува со просек од 24,4 поени.

Не е толку далеку од 25, но за оние кои сакаат статистика, оваа низа се смета за прекината. Со 24,4 поени, бележи и 8,2 асистенции и 7,8 скока, бројки кои се вртоглави со оглед на тоа дека се работи за играч кој влезе во петтата деценија од животот.