МААЕ: Потребни се итни мерки за спречување на нуклеарна несреќа во Запорожје

Меѓународната агенција за атомска енергија (МААЕ) денеска го објави извештајот за Украина во кој наведува дека има итна потреба да се воведат привремени мерки за да се спречи нуклеарна несреќа што е резултат на физичко оштетување на нуклеарната централа Запорожје.
МААЕ соопшти дека е подготвена веднаш да почне консултации што би довело до итно формирање зона за нуклеарна безбедност во Запорожје, пренесоа британските медиуми.
Меѓународната агенција за атомска енергија нагласи дека е многу загрижена за ситуацијата во нуклеарната централа.
МААЕ соопшти дека нејзиниот тим забележал штета направена на различни локации, од кои некои биле во близина на зградата на реакторот.
Украинскиот персонал е под постојан висок стрес и притисок, особено со ограничената работна сила која е на располагање, соопшти МААЕ во извештајот, додавајќи дека тоа не е одржливо и може да доведе до зголемена човечка грешка што може да има влијание врз нуклеарната безбедност.
Извештајот е објавен по посетата на тимот на МААЕ на Запорожје.
Ново на Сител
-

Николоски: Се повеќе патници на аеродромите во Скопје и Охрид, ги срушивме сите рекорди како резултат на паметните политики
-

Неуспешен тест на „СпејсЕкс“ со ракетата „Старшип“, првиот сегмент на ракетата заврши во морето
-

АХВ: Почна дистрибуцијата на вакцините за болеста сипаници кај овци и кози до ветеринарните друштва
-

Николоски: Делницата Извор-Врбјани наскоро во функција, автопатот Кичево-Охрид до мај целосно завршен
-

Од утре задолжително поседување зимска опрема за возилата
-

Куба се подготвува за можна воена агресија, изјави претседателот Дијаз-Канел
-

САД ја укинаа забраната за летови, се очекуваат доцнења
-

Трамп ќе се сретне со Путин и Шји следната седмица, потврди Белата куќа
