Маѓар: Приведен е братот на Виктор Орбан како осомничен за трговија со луѓе

Братот на Виктор Орбан, Арон Орбан, е приведен како осомничен за трговија со луѓе, објави денеска на Фејсбук унгарскиот премиер Петер Маѓар.

„Според извештаите во печатот, братот на Виктор Орбан, Арон Орбан, е приведен под сомнение за трговија со луѓе. NVVH и Националното биро за истраги ја продолжуваат истрагата“, напиша Маѓарт на својата страница на Фејсбук.

Според информациите објавени од порталот Портфолио, утрово Националната канцеларија за враќање и заштита на средства (NVVH) и Националната агенција за истраги (NNI) спроведоа заедничка операција во Будимпешта и на неколку локации во округот Пешта, во случај поврзан со трговија со луѓе.

Според официјалното соопштение, неколку лица се уапсени во две паралелни кривични постапки, а нивните домови се претресени.

Според нивните информации, помладиот брат на поранешниот унгарски премиер Виктор Орбан, Арон Орбан, би можел да биде меѓу уапсените, а НВВХ исто така го истражува неговиот случај.

Порталот објавува дека властите за денеска попладне најавиле дека ќе објават дополнителни информации за настаните.

НВВХ беше меѓу првите што започнаа истрага за случајот поврзан со Арон Орбан, во кој, според претходните информации во печатот, компанијата на помладиот брат на поранешниот премиер ги запишувала виетнамските државјани на дводневен курс за спасување животи на Универзитетот во Печуј, што би можело да им го олесни патот за добивање шенген виза.

Арон Орбан, исто така, интервенираше во еден случај за да го забрза процесот на обработка на барањата за виза, објави порталот.

МИА