Македонските фудбалерки против Андора стартуваат во Лигата на нации

Македонската женска фудбалска репрезентација во новото издание од Лигата на нации ќе биде дел од Ц сегментот. Во пресрет на почетокот на натпреварувањето УЕФА ги одреди термините за одигрување на дуелите од групната фаза.
Македонија е дел од третата група во која за противници ќе ги има Израел, Андора и Фарски острови.
Новото издание од Лигата на нации избраничките на селекторот Александар Андов го отвораат на 2 март идната година против Андора на домашен терен, а четири денови подоцна ќе ја пречекаат селекцијата на Фарски Острови.
На 20 април следува дуелот против Израел на гостински терен, а на 24 април реваншот против Андора. Во последниот круг од натпреварите, Македонија на 11 јуни ќе го пречека Израел, а на 15 јуни ќе им гостува на Фарските Острови.
Пласман во повисок ранг од Лигата на нации ќе обезбедат првопласираните селекции, а двете најдобро второпласирани репрезентации ќе играат бараж против третопласираните тимови во Б дивизијата.
МИА
Ново на Сител
-

Тема на денот со Горан Марковиќ, главен извршен директор на Македонски Телеком
-

Декларација за мир потпишана на историската средба меѓу претседателите на САД, Русија и Кина
-

Истражните органи влегоа во Макстил – Се проверува дали фабриката загадува надвор од дозволените параметри
-

Со акциски план ќе се бара решение за неконтролираното движење кравите низ Крива Паланка
-

„Блокадата е во Скопје, а не во ЕУ“, оценува директорот за проширување на Унијата
-

Институтот за историја одбележува 80 години постоење
-

Германија ја преполовува квотата за работници од Западен Балкан, помалку места и за Македонците
-

Факултетите ќе го платат долгот за струја
