Милошевски: РФМ ќе поднесе жалба за судењето

Ракометната федерација на Македонија ќе поднесе официјална жалба во врска со судењето на вечерашниот натпревар против Холандија.

Оваа информација ја сподели генералниот секретар, Филип Милошевски.

- До сега ретко сме се жалеле (можеби 2 пати до сега), ама ова беше под секое спортско достоинство, пишува тој на социјалните мрежи.

Наредниот натпревар на нашата репрезентација ќе биде против Гвинеја, во недела во 18 часот. Ова е последен меч од првата фаза.