Младите земјоделци во струмичко во обид да стасаат до ЕУ фондовите

Општините Струмица и Василево заеднички ќе ги помагаат младите претприемачи и земјоделци. За таа цел тие потпишаа договор за меѓу општинска соработка, а отворија и регионална канцеларија и тренинг центар. 

Во канцеларијата може да се добиваат обуки, информации за користењето на фондовите, начинот на аплицирање како и можност за промоција на нивните бизниси со што ќе придонесат за сопствениот развој и развојот на регионот пошироко. 

Во рамки на проектот општините активираат и посебна веб страна на која заинтересираните граѓани и компании можат да креираат свој профил и бесплатно да го рекламираат сопствениот бизнис. 

Меѓу општинската соработка се реализира во рамки на проектот општините како двигател за регионален развој, финансиран од Бирото за регионален развој и УНДП.

Вкупниот буџет за реализација на планираните активности од проектот изнесува околу 4 милиони денари.