МОН објави конкурси за стипендии за средношколци во учебната 2026-2027

Министерството за образование и наука денеска објави конкурси за девет категории стипендии за ученици од средните училишта во државата за учебната 2026/2027 година.
Најголем број (1570) се стипендии за ученици кои се запишани во дуалните паралелки, т.е. во стручно образование во кои ќе се реализира практично образование со зголемен број часови во согласност со програмите за стручно образование.
Деветстотини стипендии се предвидени со конкурсот за социјална поддршка на ученици од јавните средни училишта, 300 стипендии за ученици од средно образование (издвоени наставни програми), 180 стипендии се за ученици со посебни потреби од јавните и од приватните средни училишта.
По 150 стипендии ќе бидат доделени во три конкурси - за ученици кои реализираат наставни планови и програми за стручно оспособување и стручно образование од тригодишно траење; за талентирани ученици - спортисти од јавните и приватните средни училишта и за талентирани ученици од средното образование (освен за талентирани ученици од областа на уметностите) од јавните и приватните средни училишта.
МОН објави и конкурси за доделување 50 стипендии за ученици кои се деца без родители и учат во јавните или во приватните средни училишта и исто толку стипендии за талентирани средношколци од областа на уметностите, кои следат настава во јавните или приватните средни училишта во државата.
МИА
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
