На аеродромот во Атина запленети над 1,6 милиони парчиња цигари
Вкупно 1.680.000 парчиња цигари, односно 8.400 штеки, за кои не биле платени царини и даноци во вредност од над 340 илјади евра, содржела пратката од Дубаи откриена на атинскиот аеродромот „Елефтериос Венизелос“, јави дописничката на МИА од Атина.
Од Независната управа за јавни приходи на Грција (ААДЕ) соопштија дека станува збор за една од најголемите количини цигари без царина и даноци, што некогаш биле откриени во земјата, а во тек е прелиминарна истрага за да се идентификува примачот на пратката.
- Во рамките на насочените контроли, во магацин за привремено складирање, инспекторите откриле 169 картонски кутии, кои пристигнале од Дубаи. При физичката проверка било утврдено дека содржат 8.400 штеки цигари, односно вкупно 1.680.000 парчиња, за кои не биле платени предвидените царини и даноци, соопштија од ААДЕ.
Додадоа дека вкупниот износ на избегнатите царини и даноци изнесува 341.342,26 евра.
МИА
Популарно од Балкан
Ново на Сител
-
Најстудено утрово во Берово, дневната температура денеска од 12 до 18 степени
-
Лафчиски ја заокружи посетата на Пентагон: Потврдена високата доверба и соработката меѓу армиите на Македонија и на САД
-
Трамп: Војната со Иран почна поради нов објект за материјали за нуклеарно оружје
-
Масовни маршеви во Иран во поддршка на новиот врховен водач
-
ФФМ: Шкендија статистички е еден од најзаштитените тимови во ПМФЛ, но кога губат бодови секогаш други им се виновни
-
Македонските државјани во Бахреин во среда со специјален лет се очекува да се вратат во земјава
-
Претседателката Сиљановска-Давкова на комеморација за македонските Евреи во Меморијалниот и музејски комплекс „Треблинка“ во Полска
-
Почнува реконструкција на објектот на Подрачната служба на ФЗО во Гевгелија
