Најмасовен украински напад врз Москва и Московската област во последните две години

Украински дрон ноќеска погодил магацин на „Вајлдберис“, најголемата руска компанија за онлајн трговија, во близина на Москва, при што избувнал пожар, соопшти гувернерот на Московската област, Андреј Воробјов.

Воробјов наведе дека дронови оштетиле и други објекти, меѓу кои куќи, станбени згради, продавници и електроцентрали. Според досегашните информации, најмалку три лица се повредени.

Градоначалникот на Москва, Сергеј Собјанин, изјави дека нападот врз Москва и околината бил најмасовен во последните две години. Според него, од синоќа до пет часот утринава по локално време украинските сили насочиле 620 дронови кон Москва и Московската област, од кои 180 биле уништени.

На местата каде што паднале остатоци од дроновите се активни екипи на службите за итни случаи, наведе Собјанин.

МИА