Најмногу дожд наврна во Крива Паланка, попладне се очекува локална нестабилност со пороен дожд, грмежи и засилен ветер

По локалното невреме што синоќа зафати делови од земјава, најмногу количина дожд наврна во Крива Паланка, 30 литри на метар квадратен, соопшти УХМР. 

Според измерените податоци, 18 л/м2 наврнале во Струмица, 13 Виница, 8 Берово, 6 Тополчани, 3 Битола, 1 Радовиш, Крушево. 

УХМР напоменуа дека поради локалноста на процесите, паднатата количина воден талог многу варира и на различни места може да е многу поголема од измерената.

Времето до крајот на денот ќе биде сончево и топло со мала до умерена локална облачност. Наместа ќе има услови за локална нестабилност со пороен дожд, грмежи и засилен ветер. Ќе дува слаб до умерен ветер од југоисточен правец.

Максималната температура ќе биде во интервал од 29 до 36 степени.

Во Скопје, сончево и топло со мала до умерена облачност. Ќе дува слаб до умерен ветер од јужен правец. Максималната температура ќе достигне 36 степени.

МИА