Нарачал 700 грама хашиш од Шпанија да му стигне по пошта во Тетово, го чекале да ја подигне па го уапсиле

Царинските службеници откриле 700 грама хашиш во поштенска пратка пристигната од Шпанија, која била нарачана од македонски државјанин од Тетово.
Пратката била селектирана за детална контрола во ЦИ Пошти. При отворањето, во неколку херметички затворени кеси биле пронајдени седум пакувања со зелена цврста материја.
На местото бил повикан тим од Одделението за оперативни работи, а царинско куче детектирало присуство на дрога. Со дополнително тестирање било потврдено присуство на ТХЦ.
Кога Р.В. од Тетово ја подигнал пратката, бил приведен од инспектори од Одделението за истраги.
По налог на јавен обвинител, пронајдената материја била испратена на вештачење, при што било утврдено дека станува збор за хашиш со вкупна тежина од 700 грама. Дрогата е запленета.
Против лицето е поднесена кривична пријава до надлежното јавно обвинителство за „неовластено производство и пуштање во промет на наркотични дроги, психотропни супстанци и прекурсори“.
Од Царинската управа посочуваат дека борбата против сериозниот криминал останува еден од нивните највисоки приоритети.


Ново на Сител
-

Цените на горивата со нов рекорд - по какви цени ќе се точи од утре?
-

СДСМ: Симе не е во затвор, повторно е со Мицкоски, пуштен е да работи за ВМРО-ОКГ во Брвеница
-

Филипче лаже за анкетите, лаже и за тоа дека има автомобил од 6.000 евра, за што уште лаже Венко?
-

Србија утре избира нов парламентарен состав
-

Тема на денот со д-р. Драган Даниловски, епидемиолог
-

Центар за управување со отпад против еколошкиот хаос
-

Преглед на вестите од светот
-

Србија утре избира нов парламентарен состав
