Непознати лица украле дел од тревник поставен на плоштад во атинска населба

Непознати лица украле дел од новиот тревник поставен на плоштад во атинска населба, а градоначалникот Јанис Константатос преку видео објавено на социјалните мрежи коментира дека мислел дека досега видел сè и не очекувал некој да го украде тревникот, јави дописничката на МИА од Атина.
Градоначалникот на општината Елинико-Аргируполи каде што се случила кражбата во видеото вели дека во неговиот мандат се има соочено со катастрофи, вандализми, штети, кражби.
– Но, дека ќе ни го украдат новиот тревник поставен на плоштадот, ова искрено го немам видено. Се прашувам, пријателе, што ќе правиш со него? Ќе ги пасеш овците и козите? Ова не може повторно да се засади. Што ќе му правиш? Колку време посвети за да го извадиш дел по дел и каде ќе го користиш? Навистина се срамам за оној што го стори тоа. Мислев дека сум видел сè, но не е така. Еве може да го украдат и тревникот, вели градоначалникот во видеото и на шега порачува дека полицијата ќе треба да ги чува и тревниците во Грција.
Заменик-градоначалникот Василис Критикос за телевизијата ЕРТ објасни дека по околу еден месец работа, екипите во понеделникот го завршиле уредувањето на плоштадот, а следниот ден било откриено дека недостасува голем дел што се проценува дека е околу 70 метри квадратни, а штетата можеби е над 1.000-2.000 евра.
Ново на Сител
-

„One Stop Shop“ системот ќе ги доближи Македонија и Албанија
-

Рама: Не сакам да држам лекции но уставните измени се неизбежни
-

Годишна конференција на младите на ВМРО-ДПМНЕ
-

СДСМ тврди дека се загрозува вториот пензиски столб, Велковски уверува дека нема укинување
-

Г.г. Стефан му го честита роденденот на рускиот патријарх, благодарејќи му за татковската грижа
-

Заедничко поклонение на верниците католици во Битола со чудотворна икона од 19 век
-

Преглед на вестите од светот
-

Тема на денот со Неда Чаловска, адвокатка
