Продолжуваат долгите говори на комисијата за изборите и именувањата

Републичкиот обвинител Љубомир Јовески никако да стигне на ред за гласање за дали ќе биде утврден како уставен судија. Говорите на опозициските пратеници против него немаат крај, а во петокот пратеничката од редовите на ВМРО-ДПМНЕ, Бети Стаменковска Трајковска на седница на Комисијата за избори и именувања говореше цели десет часа. Поради ова пратеничката група на ВМРО-ДПМНЕ денеска со процедурални забелешки вели дека се прекршил Деловникот, а на нивната колешка не и било дадена пауза ниту да оди до тоалет дури говорела десет часа.

Претседателката на Комисијата им соопшти на опозициските пратеници дека доколку саат да држат маратонски говори во салата, треба да бидат физички и психички подготвени на напорот.

И додека пратениците од ВМРО-ДПМНЕ не престануваат со обвинувања на сметка на Јовески дека не постапувал по предмети како обвинител и не покренувал обвиненија, денеска Јавното Обвинителство на Струга покрена Обвинение против предлогот на ВМРО-ДПМНЕ за уставен судија кој беше одбиен, односно екс обвинителот од Охрид, Воислав Димовски. Обвинението на Димовски е за намерно застарување на истраги што ги водел, односно вклупно 14 предмети,во кои доминираат тие за кражба на струја.