Нови археолошки истражувања сведочат за средновековниот црковен живот во Македонија

По пауза од четири децении повторно се вршат истражувања на локалитетот Свети 40 Севастиски маченици во Банско.Се работи за средновековна црква која била епископско седиште и претставува значаен културен споменик од периодот на 12 и 13 век и една од ретките во Македонија која има форма на слободен крст. Новите истражувања покажале дека веднаш до црквата постои дополнителна архитектура, но и некропола од средниот век.

Црквата е сместена во самото поле, на рамен терен и е оддалечена на околу еден километар и од денешното, но и од средновековно Банско. Самата локација покажува дека во минатото во овој регион се наоѓала и една од најбитните комуникации, а Банско имало многу активен средновековен живот.

Црквата посветена на Светите 40 маченици е откриена во 1984 година во минатиот век. Лани од страна на Завод и Музеј Струмица беше извршено конзервација и реставрација на објектот со акцент на обнова и санирање на фугите на ѕидовите кои под атмосферските влијанија имаа оштетувања и над  90%.