Нова акција за пошумување на „Патриотско друштво“, засадени 1100 садници во Кучково

Вчера во скопското село Кучково беше спроведена акција за пошумување, при што „Патриотско друштво“ засади 1100 нови садници. Во активноста учествуваа околу стотина млади, кои дадоа свој придонес во засадувањето.

Настанот започна со литургија во црквата „Свети Петар и Павле“, а потоа следеше самата акција на терен. По нејзиното завршување, за учесниците беше организиран заеднички ручек со посен грав.

Инаку, пред две недели, истото друштво реализираше слична иницијатива за пошумување и во Ајватовци, со значително учество на млади луѓе.