Од утре започнува целосна реконструкција на Платежната агенција – вработените таму треба да се преселат до крајот на годината

Руинирани ходници, откорнати инсталации, искршени прозорци и запуштени простории. Вака изгледа зградата во која треба да работи Агенцијата за финансиска поддршка во земјоделството. Екипата на Сител влезе во овој објект, кој однадвор изгледа прилично модерно, но внатре има апокалиптични сцени.

Оваа зграда наместо да биде полна со вработени од Агенцијата, оставена е на забот на времето. Полна е со прашина, крадциte често ја посетуваат, а некогаш е и засолниште за бездомните лица.

Државата конечно реши да стави крај на оваа негрижа. Потписите се веќе на маса, парите се обезбедени, а реконструкцијата на објектот на Платежната агенција стартува уште утре.

Директорката за Сител вели дека ревизорите во повеќе извештаи алармирале дека условите во кои работат се далеку од пристојни, особено бидејќи во оваа институција циркулраат голем број на класифицирани податоци, субвенции за граѓаните и европски пари.

„Просторните услови во коишто во моментов работиме далеку се од доволни и коректни за луѓето кои се внатре. Самите ревизии коишто ги имаме направено од страна на ИПАРД структурите како што се ревизорско тело и Националниот координатор повеќепати укажуваат дека за едно нормалнp фунцкионирање на Агенцијата, поточно несподелување на доверливи информации и изработување на проекти потребни се услови за работа на самите вработени во Агенцијата“, изјави Даниела Иротова Лазарева, директорка на АФПЗРР.

Градежните работи започнуваат утре. Зградата е изградена од 1980-та, со армирано-бетонска конструкција. За целосна реконструкција издвоени се нешто над 400 милиони денари. Моментално експертите увиделе дека има сериозни оштетувања како влага и протекување, украдени делови од кров и инсталации. Оштетена е фасадата, сите инсталации, како и дел од подовите и таваните.

Според планот, ќе се менува фасадата, кровот и изолацијата, а ќе се подобрува енергетската ефикасност и хигиено-техничките услови.

„Вкупната инвестиција за зградава чини 401 милион денари, а ќе се реконструираат околу 8.200 м2, петте ката плус приземје. До крајот на годината “, додаде директорката.

Во новата зграда до крајот на годината треба да се преселат околу 180 вработени.