ПМФЛ: Со два натпревари денеска почнува завршното коло од есенскиот дел

Завршното коло од есенскиот дел во Првата македонска фудбалска лига (ПМФЛ) ќе биде отворено попладнево со натпревари во Скопје и Кавадарци.

Фудбалерите на Тиквеш ја пречекуваат Струга на стадионот во Кавадарци со почеток во 13 часот, а во истиот термин Македонија ЃП во Скопје е домаќин на лидерот Вардар.

Викендов на програмата се дуелите меѓу Башкими – Шкендија (сабота 13, часот), Работнички – Силекс (недела, 13 часот) и Шкупи – АП Брера (недела, 13 часот).

Завршниот натпревар во рамки на 16 прволигашко коло ќе го одиграат Аресими и Пелистер, в понеделник на градскиот стадион во Гостивар со почеток во 13 часот.

Пред завршното есенско коло, непоразениот Вардар води на табелата со 39 бодови, еден повеќе од второпласираната Струга.

МИА