Починa aмериканскиот глумец Едвард Фолкнер

Американскиот глумец Едвард Фолкнер, можеби најпознат по филмовите со Џон Вејн, почина на возраст од 93 години. Тоа се случило на 26 август, во здравствена установа во Виста, Калифорнија, САД, соопшти вчера неговата ќерка Лесли Вадсворт за „Холивуд репортер“.
Своето деби на големото платно, Фолкнер го имаше во филмот „Џи-Ај Блус“ (1960), а потоа глумеше и во „Скроти ме“ (1965), исто така - со Елвис Присли. Следеа улогите покрај Вејн во „Меклинток“ (1963), „Зелени беретки“ (1968), „Пеколни борачи“ (1968), „Непобедените“ (1969), „Рио Лобо“ (1970) и „Чизум“ (1970).
Во едно интервју од 2019 година, Фолкнер изјави дека „никогаш не добил борба“, бидејќи секогаш бил „лошиот“ во приказната.
Како помлад од двете деца, Филден Едвард Фолкнер II, е роден на престапен ден - 29 февруари 1932 година - во Лексингтон, Кентаки, САД. Неговиот татко поседувал компанија за градежни материјали, а неговата мајка, Фери Џун, била професорка по музичко. Со својата љубов од средно училиште и сопруга, со која беа в брак речиси 60 години, Барбара глумеле заедно во училишните претстави и на колеџ, а таа починала во 2013 година.
МИА
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
