Политичка кавга во Унгарија околу ценовниот плафон на горивата

Унгарската опозициска партија „Фидес“ ја оцени како „сериозна грешка“ намерата на Владата на премиерот Петер Маѓар постепено да ги укине регулираните цени на горивата.

Параментарната група на „Фидес“ преку соопштение посочува дека во услови на меѓународна несигурност нема гаранции дека цените на нафтата повторно нема нагло да пораснат, поради што сметаат дека постојниот ценовен плафон треба да остане во сила.

Од „Фидес“ ја обвинија Владата дека го прекршува предизборното ветување за намалување на цените на горивата. Според нив, партијата „Тиса“ ветила дека цената на бензинот ќе биде намалена на 480 форинти за литар и дека ќе се намали акцизата на горивата.

Премиерот Петер Маѓар претходно изјави дека Владата ќе предложи постепено укинување на ценовната контрола, со образложение дека цените на горивата на бензинските пумпи веќе можат да бидат за 10 до 15 форинти по литар пониски од утврдениот максимум.

Ценовниот лимит беше воведен во март од претходната влада на „Фидес“ предводена од поранешниот премиер Виктор Орбан. Со него максималната цена на горивата беше утврдена на 595 форинти за литар бензин и 615 форинти за дизел за возила регистрирани во Унгарија.

МИА