Порота пресуди дека Маск ги довел во заблуда акционерите на Твитер

Порота во Калифорнија донесе пресуда според која Илон Маск ги довел во заблуда акционерите на Твитер за време на подготовките за аквизиција на компанијата вредна 44 милијарди долари, објавија американските медиуми.

Според адвокатите, вкупната штета би можела да достигне до 2,6 милијарди долари, јави Си-Ен-Би-Си.

Групната тужба, Пампена против Маск, првично беше поднесена во октомври 2022 година, откако милијардерот го заврши купувањето на Твитер за 54,20 долари по акција.

Подоцна ја преименуваше компанијата во X, пред да ја спои со неговата компанија за вештачка интелигенција xAI, а потоа и со SpaceX.

МИА