Принцот Хари и неговата сопруга Меган се враќаат во Велика Британија

Принцот Хари и неговата сопруга Меган планираат да се вратат во Велика Британија, шест години откако се повлекоа од кралските должности и се преселија во Калифорнија, објавија денеска британските медиуми.
Според лондонски „Телеграф“, Хари и Меган планираат до крајот на месецов да ги напуштат САД и да се преселат во приватна резиденција надвор од Лондон. Нивните две деца се запишани во британско училиште, каде во септември започнува наставата.
За плановите во неделата бил запознаен и кралот Чарлс Трети, кој наводно изразил задоволство од можноста семејството да биде поблиску на лично ниво. Сепак, според весникот, статусот на Хари и Меган како работно неактивни членови на кралското семејство нема да се промени.
За нивното враќање биле информирани и принцот Вилијам и неговата сопруга Кејт, објави „Телеграф“.
Хари во повеќе наврати зборуваше за тоа колку му недостига Велика Британија, а во последно време има знаци на подобрување на односите со неговото семејство, особено со неговиот татко, кралот Чарлс.
Хари и Меган се венчаа во 2018 година, а во јануари 2020 година објавија дека ќе се повлечат од повеќето кралски должности. Два месеца подоцна, последен пат се појавија во јавноста со членовите на кралското семејство.
Откако ја напуштија Велика Британија, извесно време живееја во Канада, а потоа се преселија во Калифорнија, каде купија куќа во Монтесито.
Нивното повлекување беше проследено со низа јавни обвинувања и несогласувања со членовите на кралското семејство. Во 2021 година, Хари и Меган во интервју за американска телевизија открија детали за нивниот однос со кралското семејство, а Хари подоцна во своите мемоари и во други јавни настапи зборуваше за тензиите со семејството.
МИА
Ново на Сител
-

Михаилова во тајни снимки тврди дека била уценувана од бугарските служби
-

Случајот Михаилова ја отвори пандорината кутија во Бугарија
-

ЕСМ ќе ја достави до Влада новата цена на струјата следната недела – тогаш ќе се знае и новата цена на парното
-

Кој е виновен за влезот на Алта банка? Политичките партии со меѓусебни обвинувања
-

Брза помош интервенирала на десетина колапси во Скопје поради пролетните температури во ноември
-

По 14 години, нови амбулантни возила за штипската Итна помош
-

Во струшки „Водовод“ недостига стручен кадар
-

Илиески: Се загушува гласот на младите бидејќи политичарите немаат капацитет да одговорат на нивните барања
