Променливо облачно време со дожд попладне, температури до 16 степени

Времето денеска ќе биде променливо облачно со повремени сончеви периоди, а попладне и кон крајот на денот на повеќе места во државата се очекуваат врнежи од дожд.
Од Управата за хидрометеоролошки работи соопштуваат дека по одделни котлини ќе има услови за појава на магла и ќе дува слаб до умерен ветер од јужен правец.
Минималната температура ќе биде во интервал од 4 до 10, а максималната ќе достигне од 12 до 16 степени.
Во Скопје времето ќе биде променливо облачно со сончеви периоди, а попладне и кон крајот на денот се очекува дожд. Ќе дува слаб до умерен јужен ветер, со температура од 6 степени наутро до максимални 14 степени во текот на денот.
Во наредните денови следува период на променливо облачно време со повремени локални врнежи од дожд со променлив интензитет.
Според прогнозата, од утре под влијание на јужно воздушно струење температурите постепено ќе се зголемуваат и повторно ќе бидат над просекот за овој период од годината.
Во наредните денови ќе дува умерен до засилен ветер од јужен правец, а од среда тој повремено ќе достигнува и над 60 километри на час, особено во западните делови од земјата.
МИА
Ново на Сител
-

Експлозии во Ормуската Теснина: Два танкери налетале на мини, уште шест се запалиле
-

Дронови погодија три брода во Црното Море, Романија подготвува борбени авиони
-

Променливо облачно време со дожд попладне, температури до 16 степени
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
