Регистрирани осум пожари на отворено - пет се изгаснати, два се активни, а еден е под контрола

Вкупно осум пожари на отворен простор се регистрирани до 13:00 часот, од кои два се активни, еден е под контрола, а пет се изгаснати, соопшти Центарот за управување со кризи.
Активни пожари има во Општина Македонски Брод кај селото Грешница, м.в. Стојанова Населба, каде гори ниска вегетација, деградирана шума и грмушки и во Општина Гостивар кај селото Падалиште каде гори ниска вегетација и нискостеблеста шума.
Под контрола е ставен пожарот во Општина Делчево кај Депонија Делчево, каде гореше депонија.
Како што информира ЦУК, изгаснати се пет пожари во Општина Струга кај с. Долна Белица каде гореше дива депонија, во Општина Босилово кај с. Моноспитово - гореше ниска вегетација, во Општина Валандово кај с. Севенендекли - гореше мешана шума, во Општина Гевгелија помеѓу селата Селемли и Стојаково - дива депонија и во Општина Гази Баба покрај пругата во Маџари, каде гореше ниска вегетација.
МИА
Ново на Сител
-

10 полицајци приведени во Србија за брутално насилство врз демонстранти
-

Облачно со локален дожд
-

МВР официјално за трагедијата кај Богданци: На двојната смрт и претходела кавга меѓу малолетничката и нејзиното момче
-

Хакерски напад и врз системот за ладење на француската банка за крв
-

Осумдневен притвор за двајцата вработени на штипскиот Универзитет „Гоце Делчев“, кои ќе се гонат за компјутерска измама и злоупотреба на службена положба
-

Калас: Гласачите во САД јасно ја изразија својата волја, очекувам поголем притисок врз Русија
-

Децата во Германија, Австрија и Унгарија за Ноќта на вештерките добиле колачиња со игли и шајки
-

Познат идентитетот на починатите во Богданци: Билјана (17) и Виктор (21) – обвинителството се сомнева на убиство и самоубиство
