Русија ги предупреди НАТО и ЕУ: Секоја агресија ќе биде пречекана со „решителна реакција“

Рускиот министер за надворешни работи Сергеј Лавров ги предупреди НАТО и Европската Унија дека „секоја агресија против мојата земја ќе биде пречекана со решителна реакција“, објави Ројтерс.

Додека војната на Русија во Украина продолжува, тензиите по источната граница на НАТО ескалираа во последните недели откако Естонија ја обвини Москва дека испратила три борбени авиони во нејзиниот воздушен простор, а авионите на НАТО собориле руски беспилотни летала во полскиот воздушен простор.

-Русија е обвинета дека речиси планира да ги нападне земјите од НАТО и Европската Унија. Претседателот Путин постојано ги негираше овие провокации – изјави Лавров пред Генералното собрание на Обединетите нации.

Американскиот претседател Доналд Трамп изјави оваа недела дека ја поддржува идејата за соборување на руски авиони што го нарушуваат воздушниот простор на НАТО, како дел од реторичката промена во која се потсмеваше на воените акции на Русија во Украина и ја опиша руската страна како „хартиен тигар“.

САД, исто така, му кажаа на Советот за безбедност на ОН дека ќе „бранат секој сантиметар од територијата на НАТО“.

МИА