Само 12 струмичани минатиот месец примиле вакцина против Ковид-19

Во струмичкиот регион се помал е бројот на граѓани кои пројавуваат интерес за вакцинација против  ковид 19.  Ова го покажуваат и бројките на здравствениот дом Струмица според кои претходниот месец биле вакцинирани само 12 лица, претежно возрасни и граѓани  со коморбидитети кои се имунизирале со трета и четврта доза.  Со цел да ја подигнат свеста за вакцинацијата но и да ги информираат граѓаните за придобивките од вакцините, здравствениот дом во соработка со Министерството за здравство, УНИЦЕФ, УСАИД и СЗО повторно го организираа караванот ,,Заштитени заедно-вакцините делуваат,,  кој освен Струмица ги посети и општините Ново Село и Василево.

И покрај тоа што голем дел од граѓаните ги посетија поставените пунктови, многу малку од нив ја искористија можноста за да се вакцинираат против ковид 19. Поголемиот  дел беа заинтересирани за проверка на крвниот притисок,   а го искористија и присуството на медицинските лица за помош околу пријавата за сезонски грип бидејќи сами не биле во можност да го сторат истото.