Се отвори завесата на фестивалот Охридско лето

Охрид блесна во духот на уметноста.

Со гала концерт на американска пијанистка, Клер Хуангчи, во придружба на орекестарот на Македонската филхармонија под диригентска палка на маестро Едвин Оутвотер се отвори завеста на годинешното 65-то издание на најпознатата музичко сценска манифестација фестивалот „Охридско лето“.Претседателката Гордана Сиљановска-Давкова истакна дека вистинската уметност не е рамнодушна ,туку длабоко хумана не е бескрвна туку бунтовна не е привремена туку безвременска.

Министерот за култура и туризам, Зоран Љутков, подвлече дека „Охридско лето“ не е само фестивал, туку духовен завет, жива врска меѓу минатото и иднината, меѓу сјајот на Охрид како вечна духовна престолнина и неговата модерна, европска културна виталност.

Повеќе од 500 уметници од дваесеттина земји од целиот свет наредните месец и половина ќе музицираат, глумат, создаваат уметност на фестивалски сцени во Охрид. Во текот на престојните фестивалски вечери, „Охридско лето“ ќе донесе совршен спој на музиката, театрот и воопшто на уметноста.