СП 2026: Европскиот првак Шпанија прв финалист на Мундијалот

Репрезентацијата на Шпанија, актуелниот европски шампион е првиот финалист на Светското првенство откако вечерва во првото полуфинале го совладаа финалистот од последните два Мундијала, Франција со 2:0. „Црвената фурија“ ги искористи грешките на противникот.

Во првото полувреме по лошата интервенција на бекот на „триколорите“ Лукас Дињ, кој потоа го фаулираше Јамин Ламал, а судијата Иван Бартон покажа на белата точка. Сигурен реализатор беше Микел Ојарзабал во 22.минута. Во вториот дел бекот на Шпанија, Педро Поро се најде на вистинското место и го постигна вториот гол на Мундијалот и со тоа ја потврди победата на Шпанија. До крајот на дуелот францускиот тим не успеа да постигне ниту почесен гол.

Утре (среда) во второто полуфинале од 21 часот ќе играат Англија и Аргентина.

Шпанија финалето ќе го игра во недела (19.јули) во Њујорк со победникот од натпреварот Англија – Аргентина, а ден претходно (сабота) во Мајами се игра натпреварот за третото место каде ќе настапи Франција, со поразениот од дуелот Англија – Аргентина. 

МИА