Струмица има добра основа за селекција на отпад

Струмица има добра основа за селектирање на отпадот. Главниот чекор бил направен со распределбата на околу 1200 канти за исто толку домаќинства кои во нив ќе ги одлагаат пластиката и лименките.Ова е заклучокот на ,, Зелениот институт,, од Скопје кој во изминатиот период вршеше мониторинг врз овој процес во три општини од струмичкиот микро регион. Следно што ќе треба да се направи е поголема едукација на домаќинствата.

Советникот од коалицијата Стига е, Ѓорѓи Танушев очекува дека општината ќе има слух и визија за нови проекти кои во иднина ќе овозможат целосна селекција на отпадот, како во градот така и во сите населени места.

Од општината најавуваат дека после распределбата на втората канта, во следна фаза е поставувањето на 260 контејнери за селекција на пластика пред станбените згради.

Освен во Струмица, Зелениот институт вршеше мониторинг и во општините Босилово и Ново Село каде исто така бил констатиран напредок во однос на селекцијата на отпадот. Мониторингот беше реализиран со поддршка на Владата на Швајцарија, а  имплементиран од меѓународната фондација за изборни системи.