Тело на жена извлечено од Вардар кај мостот до Градскиот стадион

Тело на женско лице денеска претпладне било извлечено од водите на реката Вардар во близина на мостот кај Градскиот стадион во Скопје, информираат од Министерството за внатрешни работи.

Како што соопштија од МВР, телото било извадено од полициски службеници од СВР Скопје. По насоки на јавен обвинител, телото е предадено на обдукција.

Увид на местото на настанот е во тек, а од надлежните институции се очекуваат повеќе детали за случајот во текот на денот.