Трамп разговара со Русија и Кина за денуклеаризација

Претседателот на САД, Доналд Трамп изјави дека Вашингтон разговара со Русија и со Кина, земји кои поседуваат најголеми резерви на нуклеарно оружје, за денуклеаризација.
Според податоците на Стокхолмскиот меѓународен институт за истражување на мирот (СИПРИ), Русија има најголем број складирани нуклеарни боеви глави, по што следат САД и Кина.
САД, сепак, ја предводат Русија по бројот на распоредени боеви глави.
Трамп во интервју за телевизијата „Њузмакс“ (Newsmax) истакна дека очекува Кина да ги стигне САД во следните пет години.
- Целата оваа ситуација е срамота, бидејќи би сакал да постигнам денуклеаризација доколку е можно, всушност разговараме за тоа со Русија и Кина, наведе Трамп.
„Њузмакс“ објави дека Трамп разговарал за денуклеаризација со кинескиот претседател Шји Џинпинг.
Договорот за намалување на стратешкото оружје истече пред неколку месеци. Договорот Нов СТАРТ, потпишан во 2010 година, го продолжија за пет години поранешниот американски претседател Џо Бајден и рускиот претседател Владимир Путин.
За ново продолжување на Договорот треба да се донесе одлука за доброволно продолжување на ограничувањата предвидени во документот.
МИА
Ново на Сител
-

Руте: Сојузниците издвоија лани повеќе од 10 милијарди долари помош за Украина
-

ЕУ и обезбедува на Шпанија помош од 115 милиони евра за справување со миграциската криза во Сеута
-

Прволигашите без проблеми во куп натпреварите
-

Ферари и Леклер добро минаа по инцидентот во Монца
-

Ненадејно почина познатиот грчки пејач Јоргос Мазонакис
-

Мицкоски: Имам лоша вест за сите што шпекулираа – Давид Гета и сите настани за 8-ми Септември ги чинеа граѓаните 0 денари
-

Вучиќ распиша вонредни парламентарни избори на 25 октомври
-

„Безбеден град“ од сабота ќе се применува и во Велес
