Туск: Нема да прифатиме договор за безбедност што САД и Русија ќе го преговараат без ЕУ

Европските земји нема да дозволат САД и Русија, без нивно учество, да се договорат за нови безбедносни правила за европскиот континент, изјави полскиот премиер Доналд Туск на самитот на Европската политичка заедница во Даблин.

„Под никакви околности нема да дозволиме никому да воспостави нови безбедносни правила во овој дел од светот над нашите глави, над главите на Полска и Европа“, изјави Туск.

Тој нагласи дека новата безбедносна архитектура на Европа не може да се воспостави еднострано, врз основа на барањата на Москва или Вашингтон.

МИА