Усик се откажа од сите шампионски појаси, но не ја завршува кариерата

Украинскиот боксерски првак, 39-годишниот Олександр Усик објави денеска дека се откажува од сите свои шампионски појаси, но нагласи дека тоа не значи крај на неговата професионална кариера.
Непоразениот Усик, кој има рекорд од 25 победи од исто толку борби во професионалниот бокс, во моментов е сопственик на шампионските појаси во верзиите WBA (Super), WBC и IBF.
„Ова е внимателно разгледана одлука за која сум сигурен дека ќе ми отвори нови можности. Ова не е крај на приказната. Продолжението допрва доаѓа“, напиша Усик на социјалната мрежа Икс.
Во видеопорака, тој ги објасни причините за својата одлука.
„Сакам да се откажам од сите појаси што ги поседувам во моментов, за да можат боксерите што се следни во редот да се борат за нив. Пријатели, ги напуштам појасите, но не и спортот, бидејќи го чекам мојот последен танц“, порача Усик.
МИА
Ново на Сител
-

Тема на денот со Неда Чаловска, адвокатка
-

Убиство во Скопје: 38-годишен маж пронајден мртов со прострелна рана на ногата
-

Обвинение за насилникот од Битола
-

Граѓански протест во Охрид против насилството врз жените
-

Македонија се подготвува за тешка зима, Владата уверува дека има план
-

Митрески: Наместо да ја купуваат, државните институции да си произведуваат бесплатна сончева енергија
-

Мажите над 45 години еднаш годишно да одат на уролог
-

Преглед на вестите од светот
