Во Струмица светски гастрономски натпревар

Најдобрите светски готвачи пристигнаа во Струмица. Околу 300 врвни шефови на кујни од сите краеви на светот и над стотина светски судии, масте рклас предавачи и гости  ќе бидат дел од третиот гастрономски натпревар  Гастромак Македонија 2018 .Натпреварот кој и оваа година се одржува под мотото ,, залче од светските вкусови,, е со предзнак – континентално, што според организаторите  значи дефинитивно етаблирање на ГастроМак и градот домаќин  за ѕвезди на светската гастрономска мапа.

,, Под универзалното знаме на гастрономијата ќе го обединиме светскиот готвачки крем кој што во Струмица ќе го претставуваат судии, натпреварувачи и гости од повеќе од триесетина земји.

Третото издание на Гастромак Македонија чиј домаќин по втор пат е градот Струмица  е во организација на асоцијацијата на готвачи и шефови на кујни од Македонија Гастромак и со поддршка на светската организација на шефови на кујни и општина Струмица.

,, Уверен сум дека деновиве, од денес до 12 октомври ќе бидат вистински празници на вкусот и традицијата. И  ако мотото на манифестацијата е  залче од светските вкусови,  тогаш се надевам дека светот во мало присутен кај нас ќе го проба и залчето со струмички и македонски вкусови.

За време на  петдневната светска кулинарска смотра покрај натпреварувачкиот дел планирани се и повеќе едукативни активности и мастер класови.  За време на настанот кој е од отворен карактер може да присуствуваат и заинтересираните граѓани и одблиску да се запознаат со работата на големиот број светски готвачи.