Вучиќ: Не можат да ме победат со аргументи, ќе се обидат да ме убијат, уапсат или лустрираат
Поранешниот претседател на Србија, Александар Вучиќ, изјави дека не очекува да го помине целиот четиригодишен мандат како пратеник во Народното собрание, тврдејќи дека новата власт, предводена од Студентската листа, не може да го толерира неговото присуство во парламентот.
Вучиќ, кој сега е шеф на пратеничката група „Србија победува“, за време на денешната собраниска седница изнесе сериозни обвинувања кон политичките противници.
„Ќе се обидат или да ме убијат, или да ме уапсат, или да донесат закон за лустрација, што Иванка Поповиќ веќе го најавува. Кога не можете да се справите со политички противник, дури и кога е во опозиција, кога не можете да го победите со знаење и аргументи, тогаш мора да прибегнете кон вакви мерки“, изјави Вучиќ.
Тој оцени дека новата власт не може да го прифати неговото политичко дејствување, дури и од опозициските клупи, и најави дека нема да остане во парламентот до истекот на мандатот.
Вучиќ истакна дека сака во Собранието да им отстапи место и на помладите политичари, додека тој ќе продолжи да биде политички активен надвор од парламентот.
Поранешниот српски претседател најави дека ќе ја обиколува Србија, ќе разговара со граѓаните и ќе продолжи политички да се спротивставува на актуелната власт, во рамките на законите и демократските принципи.
Неговите изјави доаѓаат во период на политички промени во Србија, по изборната победа на Студентската листа и преминувањето на Српската напредна партија во опозиција.
Ново на Сител
-

Историска средба меѓу Трамп, Си и Путин во Кина: „Мораме да учиме од историјата и заедно да ги решаваме проблемите“
-

СДСМ: 20 дена од скандалот со Алта банка, една недела од кривичната пријава – обвинителот Савески молчи
-

ВМРО-ДПМНЕ: Филипче и СДС со двојни аршини за Алта банка, гласни денес, а молчеа во 2023 година
-

Институтот за историја одбележува 80 години постоење
-

3.243 прекршоци регистрира „Безбеден град“ на подрачјето на СВР Охрид
-

Дотраената водоводна мрежа остави 10 штипски населби 3 дена без вода
-

Хаџи Василева останува предметен обвинител во случајот со судијата Ристов - најавува и поактивно обвинителство
-

Тема на денот со Искра Хаџи Василева, шефица на ОЈО ГОКК
