25-годишен тетовец ја нападнал сопругата па се заканувал на нејзиното семејство

СВР Тетово поднесе кривична пријава против 25-годишниот С.И. од Тетово, поради постоење основи на сомнение за сторено кривично дело „загрозување на сигурноста“ - соопшти МВР. ​

Според полициските информации, инцидентот се случил на 11 август 2026 година во семејниот дом во Тетово. Пријавениот најпрво физички ја нападнал својата сопруга, по што продолжил со вербални закани упатени кон неа и кон членовите на нејзиното пошироко семејство, со што кај нив предизвикал чувство на несигурност и страв.

Од Министерството за внатрешни работи потврдуваат дека случајот е целосно документиран и против осомничениот ќе биде поднесена соодветна законска пријава.