Бебе „продадено“ за 500 евра и бесплатни гинеколошки прегледи во Куманово
Националната единица за сузбивање на криумчарење мигранти и трговија со луѓе при Секторот за криминалистички истраги поднесе кривична пријава против повеќе лица од Скопје, Куманово и Тетово, поради постоење основи на сомнение за сторено кривично дело „трговија со дете“.
Според истрагата, во текот на 2024 и 2025 година, две лица од Скопје, Ф.А. (63) и Ѓ.К. (57), организирале незаконско посвојување на новородено бебе, искористувајќи ја положбата на згрижувач и социјалната состојба на родителите.
Преку воспоставени контакти со брачни парови и користење на ранливи околности, бил воспоставен договор за предавање на новороденчето надвор од законската процедура за посвојување. Во случајот, на мајката ѝ била понудена финансиска помош од 500 евра, како и бесплатни гинеколошки прегледи.
По породувањето и отпуст од болница, мајката и бебето биле преземени и однесени во дом на едно од инволвираните лица, по што детето било предадено на други лица кои се претставиле како „посвоители“.
Истрагата утврдила дека на 17.10.2025 година бил склучен и договор за заем на парични средства, кои биле поврзани со случајот.
По наредба на надлежен судија на претходна постапка, на осомничените им е определена мерка домашен притвор.
Од надлежните институции соопштија дека постапката е во тек и се преземаат дополнителни истражни мерки.
Ново на Сител
-

Брисел: Правосудството со слабости, корупцијата тапка во место
-

СДСМ: Каков мандат, таков извештај – катастрофата на Мицкоски потврдена од Брисел
-

Турканици, нервози и расправии пред Алта банка во Битола – по 20.000 денари од шалтер подигнуваа тие кои добиле порака
-

Министерката за финансии немала информации за влезот на Алта банка, Филипче бара нејзина оставка
-

Мицкоски: Ако не се најде купувач за Алта, граѓаните и фирмите да бидат спокојни, ќе бидат обештетени до денар
-

Голема акција во Куманово: „Падна“ лихварска група, претреси во менувачница
-

Операции на шака кај 16 повредени од трагедијата во Кочани
-

Младите брачни парови ќе плаќаат 60 отсто помалку за изградба на куќа во Скопје
