Без инклузија на децата со попреченост нема квалитетно образование

Без инклузија на децата со попреченост нема квалитетно образование, сметаат од фондацијата „Чекор по чекор“ која го имплементира проектот „Биди Ин биди Инклузивен биди инклудиран“.

Овој проект беше промовиран и во Струмица, а неговата цел е зголемена социјална и образовна инклузија и целосен и еднаков пристап на децата со попреченост до редовните училишта. 

Раководителот на проектот Елена Мишиќ вели дека во моментов неможе да се даде просечна оценка каде сме како  државата во однос на инклузијата бидејќи во различни општини има големи разлики во практиките. Во некои како што е Струмица овој процес одамна е започнат, а во некои инклузијата допрва започнува. Она што недостасува е развивање на пристапноста, пред се физичката.

Градоначалникот на Струмица вели дека тие како општина се лидер во државата, а процесот на инклузија е започнат уште во 2017 година со воведувањето на лични асистенти на децата со попреченост кој трае до денес.

Проектот „Биди Ин, биди инклузивен, биди инклудиран“ е финансиран од страна на ЕУ, а започна да се спроведува на 1 септември 2020 и ќе трае до 31 август оваа година. 

Активностите кои се дел од истиот ги реализира фондацијата за образовни и културни иницијативи Чекор по чекор во соработка со министерството за образование и наука и партнерство на здруженијата Инклузива и Хандимак.