ФИФА загрижена поради слабиот интерес за Светското првенство 2026

Светската фудбалска асоцијација (ФИФА) е сè позагрижена за недостатокот на интерес околу Светското првенство 2026, објавува „The Touchline“.

Четири месеци пред турнирот, многу билети остануваат непродадени, а големината на настанот не го исполнува очекуваното ниво на интерес од гледачите и навивачите. Ова покренува прашања за ФИФА. Организацијата не може да го објасни нискиот интерес за турнирот, и покрај тоа што 48 земји учествуваат за прв пат.

Светското првенство во 2026 година ќе се одржи од 11 јуни до 19 јули во Соединетите Американски Држави, Мексико и Канада. 48-те екипи се поделени во 12 групи од по четири екипи. 

Македонската репрезентација во полуфиналето од баражот на 26 март ќе се соочи со Данска на гостински терен. 

МИА